學日語+留學代辦: 歡迎加入 LINE官網

我愛日本,留學,遊學,學日語。

我們也提供打工簽證及留學代辦等服務。
e研-香港 Yandy
28 Mar 2008

E研多采多姿既e研salon活動可以滿足到你3個願望──好玩、了解日本文化、學到日文

e研-香港 Yandy
黎日本留學真係學得好快?唔識日文走過黎會唔會好難捱?
其實依家諗番,當時50音程度就走黎日本生活,真係幾刺激!果陣第一日係新宿問路,淨係識得「すみません」然後指住地圖,用一副充滿疑惑既樣望住路人!哈哈!諗番都覺得好好笑!不過黎左三個星期之後,我一個人去左日光旅行,果陣已經識得用基本既日文去問路;又學左好多單字,可以漸漸表達到自己既諗法喇。黎左四個月之後,同朋友去河口湖旅行,果陣已經可以用電話預約旅館。係呀,係呢度學日文真係好得好快!
點解要黎e研?同係香港學有咩唔同?
之前係香港都有學過日文,但因為一個星期得一堂,而且係大班上課;每一堂只係跟住老師讀下生字,學下文法又落堂,覺得學得好慢好吃力。學左一陣就覺得好沒趣。黎到e研,因為每日朝早都密集式咁上三個鐘頭,老師又係日本人,每一堂都逼住自己要努力去聽努力去講。 我後來再係日本大學讀日文課程,先至發覺大班同小班既效果差好遠,老師冇辦法照顧到每個學生既能力,太難太簡單全部都要靠自己去調節。但e研因為係小班,就可以好彈性咁就住學生既進度去教。
E研多采多姿既salon活動可以滿足到你3個願望──好玩、了解日本文化、學到日文

一個星期三個下晝都有活動,多左好多同日本老師或日本學生溝通既機會:造日本料理、參觀博物館、花道、睇歌舞伎、到日本live house聽音樂…等等。好配服老師可以諗到咁多咁好玩既活動,而且我黎左四個幾月都未有一個活動係重覆過架!
好似其他學生咁講,e研其實真係好有家的感覺。對於我一個小女子孤身走到黎日本留學,老師真係比左好多支持我。有咩疑問,老師都會盡力去解決,幫我搵有需要既資料;仲有心靈上既支持添。記得有時候病左請假,森本先生會打電話黎問:「ヤンディさん、大丈夫ですか?」(yandy,還好嗎?),話晒係呢邊冇人冇物,有人係你唔舒服既時候關心你,真係窩心到爆。
E研係台灣學校,香港人黎得唔得?
E研係一家台灣學校,台灣學生比較多。但呢個絕對唔係問題,就算我既國語爛到不行,但係都同台灣同學溝通得好好!放學會一齊去玩,又會安排下週末既活動~呢d都係好難忘既回億!
呢5個月黎我得到d咩?

日文有好大進步,了解日本文化多左,體驗到一個人係外地生活,識到好多朋友,去左好多日本既地方‥‥咁仲唔夠?(笑)